新的工作，是新的轉變．我由行政轉做會計，對我嚟講的確係一個好大既挑戰．好多年無做會計啦．估唔到呢間公司會請咗我，老實講的確唔太好做，唔好做既原因係因為太辛苦，加上我的經驗可算係零，係工作上有好多我唔識既問題，真係好辛苦．好辛苦.除咗人事關係之外，而且做會計既十成十一定會遲放工，呢樣係我最唔習慣同埋最唔願意既事．已經遲放工嫁啦，仲要變成無朋友同埋無家人，我已有幾個星期無同屋人一齊食晚飯，要同佢一齊食晚飯竟然要同我預約，真搞笑！覺得好對唔住阿爸阿媽，所以我成日係星期日同佢哋食早餐或者去吓飲茶.雖然有時佢哋會留飯餸比我，但我咁夜返一定食冷飯菜汁啦．我．．．我最唔鍾意食冷飯，我又唔想晚晚出去食，又要洗錢．．．加上人工少過以前．唉．．．總之我好可憐哎！！！朋友都安慰我叫我新年之後再搵過另一份新工.我．．．可以嗎?會有好工等我咩?咁順利咩?